趕返工鬧到飛起：唔開市返黎托咩

颱風尤特掠港12小時，天文台昨凌晨掛起8號風球，為多數打工仔帶來半天假。不過上班族「同人唔同命」，因應各公司颱風後復工政策有異，昨午改掛3號風球後，有打工仔需急急返工，花3小時坐車來回，只為上班2小時，批評天文台「玩嘢」。有幸放颱風假的市民則可四出消遣，有人更到大排長龍的拉麵店「朝聖」。

[img]http://static.apple.nextmedia.com/images/apple-photos/apple/20130815/large/15la2p1.jpg[/img]
【鴨脷洲】■天文台昨午1時40分改掛三號波，大批打工仔冒雨排長龍趕上班。

天文台昨午1時40分改掛3號風球後，原本冷清的港鐵站、巴士站及碼頭，隨即人頭湧湧，紅磡海隧收費廣場候車人龍一度長達逾百米。任職行政人員的黃小姐指，公司訂明下午2時若掛起8號風球，當天下午即休假；可惜尤特「唔爭氣」，兩點前落波，她即從元朗家中趕回灣仔上班，但花近兩小時仍未能返抵公司，「如果天文台早啲講，就唔使咁狼狽」。在筲箕灣上班的尤小姐則在落波前提早出門︰「都賺咗半日（不用上班），咪早啲返公司囉！」
來往長洲與中環的新渡輪，首班渡輪於下午3時15分壠航，長洲碼頭一度有200名市民輪候，部份人鼓譟。乘客陳先生稱：「以前嘅船公司復航大都同落波同步，頂多遲半個鐘，𠵱家要等成個半鐘。」早前進駐本港的日本拉麵店一蘭，在颱風期間一度罕有地不見人龍，但下午落波後，有放假市民趁機會到麵店「朝聖」。

[img]http://static.apple.nextmedia.com/images/apple-photos/apple/20130815/small/15la2p3.jpg[/img]
【中環】
■昨午2時多路上已擠滿上班一族，巴士站亦大排長龍。

[img]http://static.apple.nextmedia.com/images/apple-photos/apple/20130815/small/15la2p3_new.jpg[/img]
【上環】
■因多班船隻取消，港澳碼頭信德中心內逼滿旅客。
【北角】■有趕返工女士冒雨狂奔。

[img]http://static.apple.nextmedia.com/images/apple-photos/apple/20130815/small/15la2p2.jpg[/img]
【北角】
■有趕返工女士冒雨狂奔。

[b]聖保祿醫院涉扣假逼上班[/b]
8號風球高掛期間，海陸空交通停頓，不過聖保祿醫院病理部員工投訴，遭上司以扣假威脅上班。該院回應稱，病理部須24小時運作，故要求化驗所人員在惡劣天氣下當值，否認扣假指控。院方表示不清楚有關指示由誰發出，昨未接獲投訴。
根據《僱傭條例》，颱風和暴雨都是自然災害，如僱主減少僱員有權享有的年假、法定假日及休息日，補償因發出8號或以上颱風警告或黑色暴雨警告損失的工作時間，即屬違法。不過，法例未有訂明颱風後復工安排，勞工處雖有指引，建議8號風球若在收工前3小時取消，僱員須於2小時內返回崗位。惟指引非硬性規定，僱主一般會與僱員另訂惡劣天氣工作安排。
匯豐銀行指，若周一至周五的工作天，8號風球在中午12時前取消，銀行會在2小時內恢復營業，員工要返回崗位；若12時仍掛8號波，則當天全日休假。地產代理中原地產則指，取消8號風球後，員工要2小時內回公司，若風球於下午3時後取消，則毋須上班。
香港電腦商會創會會長張耀成指，復工安排須視乎工作性質，對朝9晚5的辦公室員工，若下午2時後才取消8號風球，員工返回公司已將近下班，不如索性放假；但對前線零售業，因收工時間在晚上8至9時，便應繼續工作。公務員事務局亦有向各部門發出一般指引，若下班前2小時取消8號風球，公務員需要盡快上班。

[b]蘋民洗版[/b]
Kevin Wong：
「當有灰色地帶時，天文台一定會選擇站在大財團的一邊，情願得罪普通市民」

Eric Manchun Ng：
「Come on，你住近住遠，落波番（返）唔番（返）工，幾耐番（返）到，係你同老闆傾嘅嘢，唔係天文台做嘅嘢。要話就話老闆賺到盡，個零鐘都要你死番（返）去囉」

Chris Wan：
「其實天文台做錯乜呢！佢都係按照科學角度做嘢！如果各（覺）得天文台玩嘢！佢可以7:00就落8號啦！駛（使）乜要等個風遠離至做。當時我都落咗街跑步，唔覺有風，只係有時大雨」

Jason Chiu：
「算啦，啲高官坐係（喺）象牙塔、冷氣房做野（嘢），計風速喎……當年啲風大到乜咁都唔掛八號，唔知邊位呢」

Hefar Ng：
「佢哋（清潔工、輪船公司職員、大廈維修人員、保安員等）『做好基本功』，向他們致敬」

Ken Ng：
「掛多四個字會死呀你老闆」

Ray Shum：
「反（返）到去4點，5點收工為咩」



來源:蘋果日報網站